विराटनगर / ब्रोडकास्टिङ एशोसिएसन अफ नेपाल (बान) १ नं. प्रदेश समितिको पदस्थापना गरिएको छ । डा. सन्देशदास श्रेष्ठको संयोजकत्वमा निर्वाचित ७ सदस्यीय प्रदेश समितिको पदस्थपना गरिएको हो ।

प्रदेश समितिको संयोजकमा वीएफएमका कार्यकारी निर्देशक डा.सन्देशदास श्रेष्ठ निर्वाचित भएका थिए । उपसंयोजकमा सप्तरंगी एफएम दमकका गिरीराज भट्टराई, सचिवमा रेडियो हिमशिखर दमकका ध्रुव न्यौपाने, कोषाध्यक्षमा रेडियो नागरिक विराटनगरका अरविन्द मेहता निर्वाचित भए ।

सदस्यहरुमा दन्तकालि एफएमका दुर्गा भुजेल, रेडियो मितेरीका खविन लुईटेल र रेडियो वीएससीका सरोज शर्मा रहेका छन् । वानको राष्ट्रिय तथा प्रदेश समितिहरु गत चैत २४ गते निर्वाचित गरिएको थियो ।