लेटाङ २५चैत्र ।मोरङको लेटाङ नगनगरपालिका ९ जाँते स्थित बाह्रगोठेमा घर पोत्न प्रयोग गरिने रातोमाटो खन्ने क्रममा माथि बाट खसेको माटोको ढिस्कोले पुरिएर एक जनाको मृत्यु भएको छ । मृत्यु हुनेमा लेटाङ ९ का विनोद दुलालकी श्रीमती २५ बर्षीय भगिमाया मगर (दुलाल) रहेको ईलाका प्रहरी कार्यलय लेटाङले बताएको छ ।

विहान माटो लिन स्थानिय तेलि खोला नजिक बाह्रगोठे स्थित कोपीला सामुदायीक वन क्षेत्रमा रहेको माटो खन्ने ठाँउमा माटो लिन श्रीमान सगै गएकी मगरको करिव साढे नौ बजे तिर मृत्यु भएको बताईएको छ । श्रीमतीको मृत शरिर देखे पछि श्रीमान विनोद हाल सम्म बेहस अवस्थामा रहेको र उनको लेटाङ आठ स्थित पोलिक्लनिकमा उपचार भैरहेको छ। श्रीमती भित्र बाट माटो दिईरहेकी आफु वाहिर बसी वोरामा माटो थापिरहेका वेला अचानक खसेको ढिस्कोले उनलाई पुरेको मृतकका श्रीमानले वताए ।

मृतकको शव पोष्टमार्टमका लागि प्राथमिक स्वास्थ्य केन्द्र मंगलबारे उर्लाबारी अस्पतालमा राखिएको छ भने पोष्टमार्टम पछि भोलि सोल्टि खोलामा दाहसंस्कार गरिने पारिबारिक श्रोतले जनाएको छ ।