सुनसरी, आश्विन २३ गते । सुनसरी जिल्लाको इटहरी उपमहानगरपालिका १३ स्थित खनार बस्ने १४ बर्षीया बालिकालाई जबरजस्ती करणी गरेको आरोपमा सोमबार १ जना पक्राउ परेका छन् ।

करणीको आरोपमा दुहबी नगरपालिका ८ छिटाहा बस्ने बर्ष ३० को प्रमोद चौधरीलाई पक्राउ गरिएको इलाका प्रहरी कार्यालय दुहबीले जनाएको छ ।

चौधरीले बालिकालाई ललाई फकाई गरी इटहरी ९ स्थित गोधुली होलटमा लगेर धाक धम्की देखाई करणी गरेको भनी पिडितले दिएको उजुरीको आधारमा पक्राउ गरिएको हो ।

पक्राउ परेका चौधरीलाई इप्रका दुहबीमा राखी थप अनुसन्धान भईरहेको उक्त कार्यालयले जनाएको छ ।