प्रशान्त निरौला
लेटाङ २१ जेष्ठ । नेपाली कांग्रेस मोरङका सभापति डिगवहादुर लिम्बुले कांग्रेस कार्यकर्ताहरुले काम गर्ने परिपाटी वदल्नु पर्ने वताएका छन् । कांग्रेसका नेतृत्वमा गरिएका कामहरुलाई उजागर गर्न नसक्दा विपक्षीहरुले यसको फाईदा उठाएको नेपाली कांग्रेस लेटाङको पार्टी समायोजन गर्ने कार्यक्रममा प्रमुख अतिथीको मन्तव्य राख्दै यस्तो वताएका हुन् । कांग्रेसको नेतृत्वमा महत्वपुर्ण र जनमुखी कार्यक्रमहरु भएता पनि आफ्ना गतिविधिलाई जनतासामु पुर्याउन नसक्दा कांग्रेस पछि पर्नूपरेको जिल्ला सभापति लिम्बुले उल्लेख गरे ।
गाँउस्तरवाटै कार्यकर्ता जागरणको अभियान सुरु गरिएको र सवैलाई कांग्रेसको नीति तथा सिद्धान्तमा टेकेर अगाडी वढ्न आग्रह गरे ।
समायोजन कार्यक्रममा नेपाली कांग्रेस लेटाङलाई पुर्णता प्रदान गरिएको छ । कांग्रेस नगरकार्यसमितिले आज वाट पुर्णता पाएको हो । राज्यपुर्नसंरचना संगै लेटाङभोगटेनी नगरपालिका र जाँते र वारंगी गाविस मिलाएर वनेको लेटाङ नगरपालिकामा रहेको नेपाली कांग्रेसको कार्यसमितीलाई समायोजन गरे संगै पाटीले पुर्णता पाएको हो ।
तत्कालिन लेटाङभोगटेनी नगरपालिकाका सभापति राजकुमार लामालाई लेटाङ नगरपालिकाको सभापतिको जिम्मेवारी दिईएको छ भने तत्कालिन जाँते गाविसका सभापति प्रेमवहादुर खड्का र वारंगी गाविसका सभापति आदिमान लिम्बुलाई सहसभापतिको जिम्मेवारीमा सहमति गरेर पार्टीलाई समायोजन गरिएको हो । ३ वटा स्थानिय तहलार्ई एक वनाएर लैजादा पदाधिकारीहरुलाई पहिलेकै स्थितीमा रहने गरि सहमति भएको छ ।
१६ जनाको पदाधिकारीहरुलाई नै कार्यसम्पादन समिती वनाईएको छ भने ५ जना सदस्य सभापतिको संयोजनमा मनोनित गर्ने समेत सहमति भएको छ ।
तत्कालिन ३ वटै गाविस तथा नगरपालिकाका कार्यसमितीलाई सदस्यको मान्यता दिएर ५र्१ कार्यसमिती वनार्ईएको छ । विशेष निर्णय गर्दा पुर्णसदस्यको सहभागितामा निर्णय गर्ने साथै २÷२ महिनामा पार्टीको पूर्ण वैठक वस्ने सहमति भएको छ भने पार्टीका अन्यकुरामा कार्यसम्पादन समितीले निर्णय गर्ने समेत सहमति गरेर पार्टी समायोजन भएको हो ।
स्थानिय तहको वर्गीकरण संगै नेपाली कांग्रेसको सर्कुलर अनुसार एक वर्ष अघिर्न पार्टीलाई पनि एक वनाईनु पर्ने भएता पनि एक वर्ष ढिला गरी लेटाङ नगरपालिकामा कांग्रेस समायोजन गरिएको हो । ३ वटा तह मिलाएर एउटा नगरपलिका भएता पनि पार्टीमा कसले सभापतित्व गर्ने भन्ने विषयमा अन्योल रहेको थियो ।