लेटाङ १६ भदौ । “हुनेले दिएर जाँउ, नहुनेले लिएर” भन्ने नारा सहित लेटाङ नगरपालिकामा रहेका क्रियाशिल संस्थाहरुले फुड बैक संचालन गर्ने भएका छन ।
लेटाङ नगरपालिका वडा नं. ३ मा रहेको लोकतान्त्रिक चौक अगाडी लेटाङ कम्लेक्सको छेउमा उक्त बैकको स्थापना गरिएको उद्योग बाणिज्य संघ लेटाङका अध्यक्ष खड्ग श्रेष्ठ (साने) ले जानकारी दिनुभयो ।फुड बैकलाई लेटाङ नगरपालिकाका सबै वडामा संचालन गरिने बताईएको छ ।
कोभिड १९ को संक्रमणका कारण विगत ६ दिन देखि सिल छ भने समुदाय स्तरमै कोरोना संक्रमण देखिएको छ ।
यस्तो विसम परिस्थितिमा लेटाङका विपन्न परिवारले भोकै बस्नु नपरोस भन्ने उदेश्यले उद्योग बाणिज्य संघ लेटाङ, चारतारे युवा क्लव,लेटाङ जेसिस ,लेटाङ पुस्ताकालय लगायतका सामाजिक संघ संस्थाहरुको ब्यवस्थापनमा फुड बैक संचालन गर्न लागिएको हो ।
फुड बैंक लेटाङ नगरपालिकाको पछिल्लो निर्णय अनुसार २०७७।५।१९ सम्म नगर क्षेत्र सिल थप गरिएकाले लेटाङ नगरपालिकाको निर्णयलाई पालना गर्दै यहि मिति २०७७ भाद्र २० गते बिहान ९ः०० बजेदेखि लोकतान्त्रिक चौक (लेटाङ कम्प्लेक्स अगाडि) माक्स, सेनिटाईजर प्रयोग सहित सामाजिक दुरी कायम गर्दै पूर्ण सावधानीका साथ संचालन गरिने लेटाङ जेसिसका अध्यक्ष सुदेश वस्तीले जानकारी दिनुभयो ।