२७ भाद्र २०८१, बिहिबार
Letang Khabar बुधबार, बैशाख १२, २०७५
भोजपुर, वैशाख १२ गते । भोजपुरका प्रत्येक वडामा आश्रयस्थल बनाउने निर्णय गरिएको छ । आज बसेको जिल्ला दैविप्रकोप उद्धार समितिको बैठकले विपद् जोखिम न्यूनीकरण गर्न स्थानीय तहले प्रत्येक वडामा आश्रयस्थल बनाउने निर्णय गरेको हो ।
प्रमुख जिल्ला अधिकारी फणीन्द्र दाहालको अध्यक्षतामा बसेको सर्वपक्षीय बैठकले स्थानीय तहमै स्थानीय विपद् व्यवस्थापन समिति गठन गरी कार्य गर्नुपर्ने भएको छ । स्थानीय तहले सुरक्षाकर्मी रेडक्रसलगायतसँग समन्वय गरेर विपद् व्यवस्थापनको आवश्यकीय सामग्री स्टक राख्नुपर्ने समेत निर्णय गरेको छ ।
प्राकृतिकरुपमा घट्न सक्ने विपत्तिबाट व्यवस्थापनका लागि यस्तो निर्णय गरिएको सहायक प्रजिअ उपेन्द्र न्यौपानेले जानकारी दिनुभयो । दुई नगरपालिकासहित सात गाउँपालिका रहेको भोजपुरमा ८१ वडा रहेका छन् ।
