लेटाङ (मोरङ), २६ असार । लेटाङ नगरपालिकाको सातौं नगर सभाका अवसरमा दुई जना महिला फुटबल खेलाडीहरु लेटाङ नगर राष्ट्रियरअन्तर्राष्ट्रिय खेलाडी पुरस्कार २०७६ बाट सम्मानित भएका छन् ।
लामो समय नेपाली राष्ट्रिय टिममा रहेर हालै सन्यास लिएकि नेपाल एपीएफ क्लबसँग आवद्ध लेटाङ ६ कि मनमाया लिम्बू तथा राष्ट्रिय टोलीकि सदस्य तथा नेपाल आर्मी क्लबसँग आवद्ध लेटाङ -९ कि इन्दिरा राईलाई जनही नगद रु ५०,००० तथा कदरपत्रले सम्मान गरिएको हो ।
सम्मान बारे प्रस्ट पार्दै लेटाङ नगरपालिका प्रमुख शंकर राईले खेलकुदका माध्यमबाट नेपाल सँगै लेटाङको नाम समेत राष्ट्रिय तथा अन्तर्राष्ट्रिय क्षेत्रमा फैलाउन सफल भएको र खेलाडीलाई खेलकुदकै माध्यमबाट जीविकोपार्जन गर्न थप हौसला बढोस् भनि प्रोत्साहन गरिएको बताउनु भयो ।
आफ्नो नगरले आफूहरुलाई पहिचान गरि सम्मान गरेकोमा मनमायाले धन्यवाद व्यक्त गरिन । अर्की खेलाडी इन्दिरा राई नेपाल आर्मीमा दाङमा कार्यरत रहेका कारण उपस्थित हुन सकिनन् भने उनको सम्मान नगरमा सुरक्षित रहने जानकारी दिइएको छ ।