लेटाङ २० मंसिर । नोबेल एजुकेशन एण्ड डेभलोपमेन्ट फाउन्डेसन लेटाङले नेपाली मौलिक संस्कृती जगेर्नाका लागि भन्दै सांस्कृतिक झाँकी तथा परम्परागत खाद्य प्रदर्शनी कार्यक्रम गरेको छ । आज लेटाङ ८ मा रहेको विद्यालय प्रांगणमा उक्त कार्यक्रमको आयोजना गरिएको हो ।

राई , लिम्बु , मगर लगायतका जातिका सांस्कृतिक नृत्यहरु कार्यक्रममा प्रदर्शन गरिएको थियो । कार्यक्रममा परम्परागत रुपमा प्रख्यात रहेका नेपाली खाद्यबस्तुहरुको स्टल समेत राखिएको थियो । परम्परागत जाति विशेष खानाका परिकारहरुको स्वाद लिनका लागि स्थानिय देखि बाहिरी ठाँउबाट समेत मानिसहरुको उपस्थिति रहेको थियो । ढिडो , सिस्नो , किमा , गुन्द्रुक लगायतका खानाका परिकारका स्वाद मानिसहरुले लिएका थिए ।

बिध्यार्थीहरुले ब्यबहारिक रुपमा समेत शिक्षा लिन सकुन भनेर सांस्कृतिक नाच तथा खाध्यबस्तुहरुको प्रदर्शनी गरिएको उक्त बिध्यालयका संस्थापक भोलानाथ पाण्डेले जानकारी दिनुभयो । नगरपालिकामै पहिलो पटक सो बिध्यालयले यस बर्ष देखि राई,लिम्बु तथा मगर भाषाको समेत पढाई सुरु गरेको छ भने यस्तो खाले कार्यक्रम समेत नगरमै पहिलो पटक सुरु गरेको छ ।।
कार्यक्रममा विभिन्न सांस्कृतिक झाँकीहरुमा मगर जातिको हुर्रा, लिम्बुहरुको ढोल तथा धान नाच , राईको चन्डी नाच लगायतका जातिगत नृत्यहरु प्रस्तुती गरिएको थियो ।

कार्यक्रममा विद्यार्थीहरुले वनाएका विज्ञानका सामाग्रीहरुले अभिभावक तथा दर्शकहरुको मन लोभ्याउएकाे प्रतिक्रिया आएकाे थियाे ।

कार्यक्रममा वडा अध्यक्ष भिम पोख्रेल प्रमुख अतिथि रहनुभएको थियो । अतिथिहरु लेटाङ नगरपालिकाका उपसचिव कृष्णराज राई , समाजसेवी ईन्द्र मावोहाङ लगायतले नोबेल एजुकेशनले गरेको उक्त कार्यक्रमको प्रसंसा गर्दै यस्ता कार्यक्रमलाई निरन्तरता दिन जाेड गरेका थिए ।

नोवेल एजुकेशन लेटाङ नगरपालिकामा उत्कृष्ट नतिजा ल्याउने विद्यालयको सुचिमा समेत सुचिकृत भईसकेको छ ।