विराटनगर ३० पूष । कार्यदलले हस्तक्षेप गरेको भन्दै नेवि संघ मोरङमा विवाद सिर्जना भएको छ ।
नेवि संघको अधिवेशन गर्नका लागि नेपाली कांग्रेस मोरङले एक कार्यदल वनाएर अघि वढे पछि विवाद सिर्जना भएको हो । कार्यदलले नेवि संघ मोरङलाई अधिवेशन गर्न सहयोग गर्नुपर्नेमा आफै अधिवेशन गर्ने भन्दै प्रतिनिधि खटाउन थालेपछि नेविसंघका मोरङ उपाध्यक्ष फडिन्द्र निरौलाद्धारा हस्ताक्षर गरिएको एक विज्ञप्ती जारी गर्दै कांर्यदलले नेवि संघलाई सघाउने कार्य गर्नुको सट्टा आफै नेवि संघको जिल्ला अध्यक्ष जस्तै गरी विधानलाई कुल्चिएर अघि वढेकोमा आपती जनाएका छन् । समन्वय गरिदिने गरी पार्टीले कार्यदल वनाएपनि नेवि संघको जिल्ला समितिलाई नै हस्तक्षेप गरी आफै नेवि संघ जस्तो काम गर्न थाले पछि जिल्ला कार्यसमिति रुस्ट वनेको हो ।
नेवि संघले कार्यदललाई आफ्नो भुमिकामा वस्न आग्रह गर्दै नेवि संघको कार्यसमितिलाई सहयोग गर्न अनुरोध समेत गरेको छ ।