प्रशान्त निरौला
लेटाङ ५ वैशाख । लेटाङ नगरपालिका ४ मा रहेको शान्ति भगवती माध्यमिक विद्यालयले “हामी सवैको ईच्छा अनिवार्य निशुल्क आधारभुत शिक्षा” भन्ने नारा सहित भर्ना अभियानलाई तिव्रता दिएको छ ।
आज विहान लेटाङ ४ का सवै टोलमा लेटाङ नगरपालिकाका प्रमुख शंकर राई सहितको टोली घरदैलो कार्यक्रमकामा सहभागि भएका थिए । लेटाङ नगरपालिका ३ का वडा अध्यक्ष तथा सो विद्यालय व्यवस्थापन समितिका अध्यक्ष देवराज चाम्लिङ,लेटाङ ४ का अध्यक्ष सन्तोष कार्की ,लेटाङ नगरपालिका शिक्षा शाखाका कृष्ण घिमिरे , विद्यालयका प्रअ , शिक्षकहरु , व्यवस्थापन समितिका पदाधिकारीहरु , स्थानिय संघ संस्थाका प्रतिनिधीहरु लगायतले विद्यार्थी भर्ना अभियान अन्तर्गत घरदैलो कार्यक्रममा सहभागी भएका थिए ।
वैशाख ३ गते देखी १४ गते सम्म पहिलो चरणमा भर्ना हुन आउने विद्यार्थीहरुलाई पूर्ण सेटमा पाठ्यपुस्तक र मुस्कान सहितको फूल , अविर तथा स्थानिय संस्कृती अनुसार स्वागत गर्दै पठनपाठन कार्य गराउन नगरपालिकाले कार्यक्रम समेत वनाएको लेटाङ नगर प्रमुख शंकर राईले जानकारी दिए ।