महेन्द्र मोरङ लेखा शाखामा विद्यार्थीहरुको तालबन्दी

Letang Khabar बिहिबार, पौष ०५, २०७५

विराटनगर ५ पुष २०७५ । विराटनगरको महेन्द्र मोरङ आदर्श बहुमुखि क्याम्पसको लेखा शाखामा विद्यार्थी संगठनहरुले तालाबन्दी गरेका छन् । क्याम्पस सुधारका १० बुँदे माग राख्दै क्याम्पस प्रमुखको कार्यकक्षमा तालाबन्दी गरेपनि विद्यार्थीहरुको माग सम्बोधन गर्न छोडेर विद्यार्थी संगठनलाई बेवास्ता गरेको भन्दै अनेरास्वीयु, अखिल क्रान्तिकारी, नेपाल विद्यार्थी संघ, नयां शक्ति विद्यार्थी युनियन, समाजवादी फोरम र रा। विद्यार्थी संगठनमा आवद्ध विद्यार्थीहरुले आज९ बुधबार० क्याम्पसको लेखा शाखामा तालाबन्दी गरेका हुन् ।

विद्यार्थीहरुले शैक्षिक वातावरण सुधार्न विभिन्न लिखित तथा मौखिक माग राख्दै आएपनि क्याम्पस प्रशासनले बेवास्ता गर्नुका साथै विद्यार्थीहरुको जायज माग सम्बोधन गर्नुको सट्टा प्रध्यापकहरुका गुट उपगुटले विधि र प्रकृया मिचेर काम गर्दै आएको प्रति विद्यार्थी संगठनले बुधबार संयुक्त प्रेस विज्ञप्ति निकाल्दै ध्यानाकर्षण भएको जनाएका छन् ।

ऐन नियमको कार्यन्वयन गर्ने पदमा बसेर नियमकै धज्जी उडाएको र आफु अनुकुल निणर्य गर्दै क्याम्पस प्रमुखले तानाशाही प्रवृत्ति देखाएको विद्यार्थी संगठनको आरोप छ । उनीहरुले विद्यार्थीहरुको जायज माग पुरा नगरे कडा भन्दा कडा आन्दोलन गर्न बाध्य हुने चेतावनी समेत दिएका छन् । विद्यार्थी संगठनले आन्दोलनको कारण देखाउँदै पठनपाठन लगायत अन्य नियमित कार्यमा बाधा नपुर्याउन पनि उनीहरुको सुझाव छ ।

यसअघि क्याम्पसमा अनियमितता गरेको आरोपमा विद्यार्थी संगठनहरुले क्याम्पस प्रमुख बाबुराम तिम्सिनालाई ४ घण्टासम्म कार्यकक्षमै थुनिदिएका थिए भने क्याम्पस प्रमुखको कोठा अघिल्लतिर रहेको सभाकक्षको कुर्सी टेबुल र नेमप्लेट तोडफोड गर्नुकासाथै कोठाका पर्दाहरु च्यातेर फालिदिएका थिए ।क्याम्पस प्रमुखको कार्यकक्षमा लागेको तालाबन्दी अझैसम्म खोलिएको छैन ।

हाम्राे बारेमा

www.letangkhabar.com अनलाईन समाचार पत्रिका लेटाङ लगायत क्षेत्रका समाचारजन्य विषयलाई समावेस गरी विश्वभरीका जनतालाई सुसुचित गर्ने उदेश्य रहेको छ । समाचार , विज्ञापन लगायत लेटाङ क्षेत्रभित्रका गतिविधिलाई विषेश प्राथमिकता दिनेछौ ।
लेटाङ खबर प्रति तपाईका कुनै सल्लाह सुझाव वा गुनासा भए हामीलाई सम्पर्क गर्न सक्नुहुनेछ ।
सम्पर्क:  ९८४२१४५०४५

हाम्रो टिम

फेसबूक

सम्पर्क स्थान

लेटाङ  नगरपालिका

प्रदेश नं. १ नेपाल , मोरङ