दिनहुँ दुव्र्यवहार

Letang Khabar बुधबार, मंसिर १९, २०७५

 

मंसिर १८, २०७५

स्टेज कार्यक्रममा निकै व्यस्त गायिका तथा मोडल ज्योति मगर हिजोआज निकै तनावमा छिन् । स्टेज कार्यक्रमका लागि देश–विदेशमा जाने क्रममा पटक–पटक विभिन्न आयोजक तथा व्यक्तिले आफूविरुद्ध दुव्र्यवहार गर्ने प्रयास गरेको ज्योति बताउँछिन् । यही साता ज्योति दुई स्थानमा नराम्रोसँग फसिन् । चितवनस्थित गैंडाकोटमा एक क्लबले आयोजना गरेको साँस्कृतिक कार्यक्रम सकिएपछि साँझ आयोजकमध्येका एक सदस्यले खानासँगै खाने भन्दै उनलाई होटलमा पुर्‍याए ।
होटलको खुला ठाउँमा खाना खाने इच्छा राखेकी ज्योतिलाई तपाईं सेलिब्रेटी जस्तो मान्छे खुला ठाउँमा भन्दा सेक्रेट ठाउँमा खाना खानुस् भन्दै बस्ने कोठामै खाना पुर्‍याइदिन होटल स्टाफलाई आग्रह गरे । ज्योति पनि आफू बस्ने कोठामै खाना आउने भएपछि मख्ख भइन् अनि ती व्यक्तिको आग्रह सहर्ष स्वीकारिन् । एकैछिन गफ गर्ने भन्दै आफूसँगै कोठामा छिरेका ती व्यक्तिले रातको ११ बजेसम्म कोठा नछोडेपछि ज्योतिले प्रहरीको सहारा लिएर उनलाई कोठाबाट निकालेकी थिइन् ।

ती व्यक्ति रातभर प्रहरीको हिरासतमा बसे । राति कोठाबाट निस्कन आग्रह गर्दा ज्योतिसँग रिसले चुर हुँदै नानाथरी बोले, धम्की दिए । अर्को दिन प्रहरी हिरासतमा रहेका ती व्यक्तिले अबदेखि कहिल्यै गलत काम नगर्ने भन्दै एक पटकलाई माफी दिन आग्रह गरेपछि ज्योतिले उनलाई माफी दिएकी थिइन् । फेरि उस्तै खालको घटना ज्योतिले चितवनमै बेहोरिन् ।

सांस्कृतिक कार्यक्रमपछि आफ्नो होटल भ्यु टावरको कोठामा पुगेकी ज्योतिलाई रातको २ बजे होटलका सञ्चालकले निरन्तर कोठा खोल्न आग्रह गरेपछि उनले ढोका खोलिन् । मस्त निद्रामा रहेकी ज्योतिले अन्ततस् फेसबुकमा लाइभ गर्दै ती सञ्चालकलाई तुरुन्त कोठाबाट निस्कन आग्रह गरिन् । लाइभ गरिरहेको थाहा पाएपछि ती व्यक्ति होटलबाट निस्किएका थिए । ज्योतिले निरन्तर यस्तो खालको दुव्र्यवहारका कारण आफू मानसिक तनावमा परेको बताएकी छिन् ।

हाम्राे बारेमा

www.letangkhabar.com अनलाईन समाचार पत्रिका लेटाङ लगायत क्षेत्रका समाचारजन्य विषयलाई समावेस गरी विश्वभरीका जनतालाई सुसुचित गर्ने उदेश्य रहेको छ । समाचार , विज्ञापन लगायत लेटाङ क्षेत्रभित्रका गतिविधिलाई विषेश प्राथमिकता दिनेछौ ।
लेटाङ खबर प्रति तपाईका कुनै सल्लाह सुझाव वा गुनासा भए हामीलाई सम्पर्क गर्न सक्नुहुनेछ ।
सम्पर्क:  ९८४२१४५०४५

हाम्रो टिम

फेसबूक

सम्पर्क स्थान

लेटाङ  नगरपालिका

प्रदेश नं. १ नेपाल , मोरङ