लेटाङ,भदौ ५ गते । मोरङको लेटाङमा मङ्गलबार भएको लेटाङ दौडमा निशान माखिम लिम्बू प्रथम हुनु भएको छ ।
लेटाङ जेसीजले आयोजना गरेको साडे ४ किलो मिटरको लेटाङ दौडमा लिम्बूले निर्धारित दूरी १२ मिनेट ११ सेकेण्डमा पुरा गर्नु भएको थियो । यस्तै दीपेन लिम्बूले १२ मिनेट ४० सेकेण्डमा दूरी पार गर्दै दोस्रो स्थान प्राप्त गर्नुभयो । प्रतियोगितामा तेस्रो स्थान योगेहा राईले प्राप्त गर्नुभयो । राईले १२ मिनेट ५० सेकेण्डमा निर्धारित दूरी पुरा गर्नुभएको थियो ।
जेसीज सप्ताहा कार्यक्रम अन्तरगत लेटाङ जेसीजले आयोजना गरेको प्रतियोगितामा नगर भित्रका धावकलाई मात्र सहभागि हुन दिइएको थियो । प्रतियोगितामा नगरका १४ धावकले भाग लिएका थिए ।
प्रतियोगिताका विजयी धावकहरूलाई लेटाङ नगरपालिकाका प्रमुख शङ्कर राईले पुरस्कार तथा प्रमाण पत्र प्रदान गर्नुभयो ।