काठमाडौं, वैशाख ३१ । काठमाडौं महानगरपालिकाका मेयर विद्यासुन्दर शाक्यले काठमाडौं महानगरपालिकामा धेरै कुरा कायापलट भइसकेको बताएका छन् । कार्यकाल पूरा भएको १ वर्षको अवसरमा एक अनलाइनलाई अन्तर्वार्ता दिँदै मेयर शाक्यले उक्त कुरा बताएका हुन् ।

शाक्यले भनेका छन्, ‘हामीले गरिरहेकै छौँ नि । अरु, ७ सय ५२ वटा स्थानीय तहभन्दा यो निक्कै फरक छ । देशको राजधानी भएकाले उहाँ मतदाता पनि र गैर मतदाता पनि हुनुहुन्छ । यो कुरालाई भ्रम फैलाउने र अपव्याख्या गर्ने नगर्नुहोला, यहाँ महानगरपालिकाकै मतदाता पनि हुनुहुन्छ, अवसरका लागि विभिन्न ठाउँबाट आउनेहरु पनि हुनुहुन्छ । मतदाताले हिजो काम गरेकै कारण मत दिएर जिताउनुभएको हो । उहाँहरुलाई अरु बढी बोल्छन्, विद्यासुन्दर कम बोल्छन् । तर, काम गर्छन् भन्ने नै छ ।’

यहाँ फोहोर हेर्ने हो भने बाहिरबाट आउने गाडीले धुलो बोकेर ल्याउँछन् यहाँ खसालेर जान्छन् । हामी त टिप्दै गइरहेका छौँ । फेरि पनि समस्या थुप्रै छन्, त्यसका बीचमा पनि हामीले धेरै काम गर्दै गएका छौँ । उत्साहित भएर लागिरहेका छौँ । कर्मचारीमा त्यति उत्साह थपिएको छैन । उनीहरुमा जाँगर थप्दै व्यवस्थापन गर्दै अगाडि बढेका छौँ । काठमाडौंमा धेरै कायापलट भइसकेको छ ।’