लेटाङ, २७ पुस । लेटाङ नगरपालिकाका जनप्रतिनिधि र नागरिक समाजबीच आइतबार अन्तरक्रिया कार्यक्रम सम्पन्न भएको छ। सामुदायिक विकास मञ्च (सीडीएफ) को आयोजनामा लेटाङ–५ स्थित आश्रय केन्द्रमा भएको कार्यक्रममा नगरको विकास, सेवा प्रवाह र भावी योजनाबारे छलफल गरिएको हो।

अन्तरक्रियामा सहभागीहरूले दीगो आन्तरिक आय, कृषि बजारीकरण, शिक्षा, फोहोर व्यवस्थापन, सडक स्तरोन्नति, स्वास्थ्य सेवा र कृषि आधुनिकीकरणलगायत विषय उठाएका थिए। नागरिकका जिज्ञासामा नगर प्रमुख भूपेन्द्रकुमार लावती र उपप्रमुख कृष्णकुमारी निरौलाले नगरपालिकाले गर्दै आएका काम र आगामी योजनाबारे जानकारी गराउनुभयो।

नगरपालिकाले हिउँदे अधिवेशनको तयारीका क्रममा विभिन्न टोल र नागरिक समाजसँग सुझाव संकलन गरिरहेको नगर प्रमुख लावतीले जानकारी दिनुभयो।

कार्यक्रम पत्रकार रेवती निरौलाले सन्चालन गर्नुभएको थियो ।