लेटाङ, २३ पुस । मोरङको लेटाङ नगरपालिका–३ वडाकार्यालयको आयोजनामा युवालाई सीपमूलक र रोजगारीमुखी बनाउने उद्देश्यले १५ दिने बारिस्टा तालिम सुरु गरिएको छ। आ.व. २०८२/८३ को स्वीकृत बजेट अनुसार सञ्चालित तालिम जेनजी पुस्तालाई लक्षित गरी सञ्चालन गरिएको हो।

कार्यक्रमको अध्यक्षता वडाध्यक्ष डम्बरबहादुर राईले गर्नुभयो भने प्रमुख अतिथिमा कमलपुर सामुदायिक वन उपभोक्ता समूहका अध्यक्ष गोपाल श्रेष्ठ उपस्थित रहनुभयो। तालिम चन्द्र सूर्य सीप विकास संस्था, दमक–झापाको सहजीकरणमा सञ्चालन हुँदैछ।
वडा भित्रका ८ वटा टोल विकास समितिबाट ३/३ जना सहित अतिरिक्त २ जना गरी २६ जना सहभागी छनोट गरिएको वडाले जनाएको छ। तालिम कमलपुर सामुदायिक वन उपभोक्ता समूहको सभाहलमा सञ्चालन भइरहेको छ।

वडाध्यक्ष राईले युवालाई उद्यमशील र आत्मनिर्भर बनाउन सीपमूलक तालिम अत्यावश्यक रहेको उल्लेख गर्दै यसबाट स्वरोजगार तथा निजी क्षेत्रमा रोजगारी अवसर बढ्ने विश्वास व्यक्त गर्नुभयो।