लेटाङ, १३ मंसिर। शुक्रवार यानिकी मंसिर १२ गते राति करिब २२:३० बजे लेटाङ नगरपालिका–५ खेरुवा क्षेत्रमा इलाका प्रहरी कार्यालय लेटाङबाट खटिएको प्रहरी टोलीले नियमित चेकजाँचका क्रममा लागू औषधसहित दुई जनालाई नियन्त्रणमा लिएको छ।
ना. ३ प २६८७ नम्बरको मोटरसाइकल रोकेर जाँच गर्दा उर्लाबारी नगरपालिका–२ बस्ने २२ वर्षीय सन्दिप धिमालको साथबाट खेरो (हिरोइन) जस्तो देखिने लिसाइलाे पदार्थ करिब २ ग्राम फेला परेको प्रहरीले जनाएको छ। सो मोटरसाइकल चालक लेटाङ ५ बस्ने ३१ वर्षीय प्रविन राईलाई समेत प्रहरी टोलीले मोटरसाइकलसहित नियन्त्रणमा लिएर इलाका प्रहरी कार्यालय लेटाङमा ल्याएको छ।
उनीहरू विरुद्ध आवश्यक कानूनी प्रक्रिया अघि बढाइएको र थप अनुसन्धान जारी रहेको प्रहरीले जानकारी दिएको छ।
प्रशान्त निराैला शनिबार, मंसिर १४, २०८२
