गुरुङलाई सम्मान

Letang Khabar बुधबार, बैशाख १९, २०७५

 

खोटाङ, १९ वैशाख (रासस) ः भारी बोकेर मासिक एक लाखभन्दा बढी कमाई गर्ने खोटाङका ७२ वर्षीय गोथे भनिने नरबहादुर गुरुङलाई सम्मान गरिएको छ ।

दिक्तेलबजार तथा आसपासका व्यापारी र स्थानीयवासीको भारी ओसारपसार गरेर अपत्यारिलो कमाई गर्ने दिक्तेल रुपाकोट मझुवागढी नगरपालिका–६ नेर्पाका गुरुङलाई १२९ औँ मजदुर दिवसको अवसरमा सम्मान गरिएको हो ।

वृद्घ गुरुङलाई नेपाल ट्रेड युनियन महासंघ (जिफण्ट) पेशागत महासंघ नेपाल, नेपाल राष्ट्रिय कर्मचारी संगठन (निजामती) र एकीकृत अखिल नेपाल शिक्षक संगठनले संयुक्त कार्यक्रमको आयोजना गरी सम्मान गरेको हो ।

प्रदेशसभा सदस्य उषाकला राई, पूर्वसभासद् दुर्गाजयन्ती राई र जिल्ला समन्वय समिति खोटाङका प्रमुख बबी चाम्लिङले संयुक्त रुपमा रु एक हजार नगदसहित नेपाली टोपी ओढाएर उहाँलाई सम्मान गर्नुभयो ।

लामो समयदेखि जिल्लावासीको समान तथा भारी ओसारपसार गरी सेवा दिने गुरुङको श्रमलाई विशेष अवसर पारेर सम्मान गरिएको जिफण्टका जिल्ला सचिव प्रकाश पोखरेलले बताउनुभयो ।

हरेक समय समान ओसारपसारमै व्यस्त देखिने गुरुङ आफ्नो दुई छोरासहित दिक्तेलबजारमै बसोबास गर्दै आएका छन् । श्रीमतीले छोरा र श्रीमान्लाई छाडेर अर्कैसँग पोइल गएपछि दुवै छोरालाई गोथे आफैँले पालनपोषण तथा शिक्षादीक्षा दिइरहेका छन् ।

सोही अवसरमा दिक्तेलबजारमै भारी बोकेर घरपरिवार चलाउँदै आएका राजन श्रेष्ठलाई पनि सम्मान गरिएको थियो ।

हाम्राे बारेमा

www.letangkhabar.com अनलाईन समाचार पत्रिका लेटाङ लगायत क्षेत्रका समाचारजन्य विषयलाई समावेस गरी विश्वभरीका जनतालाई सुसुचित गर्ने उदेश्य रहेको छ । समाचार , विज्ञापन लगायत लेटाङ क्षेत्रभित्रका गतिविधिलाई विषेश प्राथमिकता दिनेछौ ।
लेटाङ खबर प्रति तपाईका कुनै सल्लाह सुझाव वा गुनासा भए हामीलाई सम्पर्क गर्न सक्नुहुनेछ ।
सम्पर्क:  ९८४२१४५०४५

हाम्रो टिम

फेसबूक

सम्पर्क स्थान

लेटाङ  नगरपालिका

प्रदेश नं. १ नेपाल , मोरङ