नेपाल विद्यार्थी संघ लेटाङ क्याम्पस ईकाइ समितिका सचिव तथा गएको स्ववियु निर्वाचनमा नेवि संघको तर्फवाट सभापतिको उमेद्वारको रुपमा रहनुभएका लेखनाथ दाहाल युवा तथा विद्यार्थी माझ चिर परिचित हुनुहुन्छ ।
लगनशिल तथा ईमान्दार साथै प्रस्ट बक्ताको रुपमा छवि बनाउनुभएका दाहालले भर्खरै लेटाङ क्याम्पसामा अध्ययनरत विपन्न विद्यार्थीहरुका लागि आर्थिक स्रोतको ब्यवस्थापन गर्ने हुनुभएको छ । आर्थिक अवस्था कम भएर पढ्न नपाएका विद्यार्थीहरुका लागि श्रोतको ब्यवस्थापन गर्ने भएपछि उहाँको प्रसंसा हुन थालेको छ । यहि विषयको सेरेफेरोमा रहेर हामीले दाहाल संग कुराकानी गरेका छौ । प्रस्तुत छ उहाँ संगको कुराकानी ।
१.स्वागत छ यहाँलाई
धन्यवाद हजुर अनि हजुरको यो महत्वपुर्ण संचार संस्थालाई ।
२. लेटाङ क्याम्पसको अवस्थाका वारेमा भनिदिनुस न ।
लेटाङ क्याम्पस एक विकासोन्मुख सहरको मुख्य सम्पतीको रुपमा रहेको छ । यहाँ लेटाङ सहित वाहिरका समेत विद्यार्थी अध्यय्न गर्न आउनुहुन्छ । यस क्याम्पसमा ब्यवस्थापन र शिक्षा संकायमा अध्यापन हुन्छ । क्याम्पस निर्माणकै चरणमा समेत रहेको छ । यहाँ भर्खरै क्याम्पस हाता भित्र क्यान्टिन बनेको छ भने संचालनमा आउन बाकीँ छ । क्याम्पसमा १२ जना प्रध्यापकहरुले अध्यापन गराउनुहुन्छ । ४ जना कर्मचारीले क्याम्पससमा काम गर्नुहुन्छ भने करिब ४०० विद्यार्थी अध्यय्न हुनुहुन्छ । यस क्याम्पसमा निम्न आर्थिक अवस्था भएका विद्यार्थीहरुको समेत उल्लेख्य संख्या रहेको छ । यसले गर्दा विद्यार्थीलाई आर्थिक ब्यवस्थापन गर्ने वाध्यत्मक परिस्थितीले अध्यय्नमा बाधा पुगेको मेरो ठम्याई रहेको छ ।
३. विपन्न विद्यार्थीलाई आर्थिक ब्यवस्थापन गर्ने घोषणा गर्नुभयो यसको बारेमा प्रष्ट्याईदिनुस न ।
लेटाङ एक भर्खरै विकास हुदैँ गरेको शहर हो । यस क्षेत्रमा सामान्य आर्थिक अवस्था भएका परिवारको बसोवास रहेको छ । लेटाङ क्याम्पसमा निम्न आयस्रोत भएका परिवार वाट धेरै विद्यार्थी साथीहरु पढ्नका लागि आउनुहुन्छ । धेरै विद्यार्थी साथिहरु क्याम्पसको मासिक शुल्क तिर्न नसक्ने अवस्थामा हुनुहुन्छ । यसकारण विद्यार्थीलाई आर्थिक स्रोतको अभावमा क्याम्पस छाड्न वा अध्ययनलाई निरन्तरता दिन नसक्ने भएका कारण मैले आर्थिक ब्यवस्थापन गरेर साथीहरुलाई पढ्ने वातावरण श्रृजना गर्न खोजेको हुँ ।
४. तपाई आफै विद्यार्थी हुनुहुन्छ आर्थिक श्रोत कसरी जुटाउनुहुन्छ ?
हो म आफै विद्यार्थी पनि हुँ । म समेत सामान्य परिवारको विद्यार्थी हुँ । मैले विद्यार्थीको समस्या आफै भोगेको छु । मैले आर्थिक श्रोत जुटाउनका लागि धेरै संग छलफल गरेर यो काम गरिरहेको छु । पहिलो कुरा त क्याम्पस संग यस विषयमा छलफल भएको छ । नियमित छात्रबृतिको कार्यक्रम वाहेक अधिकतम विद्यार्थीहरुलाई आर्थिक सहायता गर्ने भनेर यो अभियानमा छु । त्यस्तै सामाजिक क्षेत्रका अगुवा तथा विद्यार्थीहरुलाई सहयोग गर्न चाहानेहरु समेत म मार्फत विद्यार्थीलाई आर्थिक सहयोग गर्न चाहाने हुनुहुन्छ यसले गर्दा समेत अधिकतम साथीहरुलाई आर्थिक ब्यबस्थापन गर्न सकिन्छ भनेर यो अभियानमा लम्किरहेको छु ।
५ अन्त्यमा केही भन्न चाहानुहुन्छ ?
सर्वप्रथम तपाई र तपाईको मिडियालाई धन्यवाद दिन चाहान्छु । म सधै विद्यार्थीको हकहितमा लागिरहने भएकाले हरेक समय विद्यार्थीका समस्यामा हुनेछु । समस्यामा रहनुभएका साथीहरुले म संग सम्पर्क गरिदिन समेत आग्रह गर्दछु । धन्यवाद ।