०३ आश्विन २०८१, बिहिबार
प्रशान्त निराैला बुधबार, चैत्र १५, २०७९
लेटाङ , १४ चैत । मोरङको लेटाङ नगरपालिका वडा नम्बर ८ मा रहेको जाँते माध्यमिक विद्यालयमा विद्यार्थी भर्ना अभियान सुरु भएको छ ।
कक्षा १२ सम्म रहेको विद्यालयमा शैक्षिकसत्र २०८० बाट प्राथमिक तह अन्तरगत नानीहरूलाई अँग्रेजी माध्यम बाट अध्यापन गराउने गरि विद्यालयले भर्ना अभियान थालेको हो ।
उक्त विद्यालयमा अंग्रेजी माध्यमबाट पढाइ हुने चर्चा चलेपछि अभिभावकहरु विद्यालयमा सम्पर्क गर्न थालेको सहायक प्रधानाध्यापक कृष्ण खतिवडाले जानकारी दिनुभयो । उहाँका अनुसार निजी श्रोतबाट शिक्षक नियुक्तिको प्रक्रिया पनि सम्पन्न भएको छ ।
बिध्यालयमा अंग्रेजी माध्यममा नर्सरी र देखि ५ सम्म पढाइ हुने भएको छ। बिगतका बर्ष देखि नै अंग्रेजी बिसयमा अध्ययन गरिएपनी ब्यबस्थित तरिकाले संचालन गर्न लागिएको सहायक प्रधानध्यापक खतिवडाले जानकारी दिनुभयो ।
