लेटाङमा कृषि मेला प्रदर्शनी, किसानहरु उत्साहित

Letang Khabar शुक्रबार, फाल्गुण ०७, २०७७

मोरङ,  ७ फागुन । मोरङको लेटाङ नगरपालिकाले ब्यावसायिक कृषि उत्पादन गरिरहेका किसानहरूलाई प्रोत्साहन गर्न कृषि उत्पादन प्रदर्शनी कार्यक्रमको आयोजना गरेको छ ।

प्रदर्शनीमा नगरका ८५ जना ब्यवसायिक किसानले आफ्नो उत्पादन राखेका थिए । तरकारी, फलफूल, नगदेबाली, दलहन, मह विभिन्न सय प्रकारका कृषिबाली प्रदर्शनीमा राखिएको थियो ।

उत्तरी मोरङको लेटाङ नगरपालिकाले आर्थिक वर्ष २०७७–०७८ को नीति तथा कार्यक्रममा नै कृषि उत्पादन प्रदर्शनी गर्न १ लाख रुपैयाँ विनियोजन गरेको थियो । नगरपालिका परिसरमा भएको प्रदर्शनीमा पाँच विधामा उत्कृष्ट छनौट गरी पुरस्कृतसमेत गरिएको छ ।

कृषि ज्ञान केन्द्र विराटनगर, सुन्दरहरैचा नगरपालिका र केराबारी गाउँपालिकाका कृषि शाखा प्रमुख रहेको विशेषज्ञ टोली किसानको बाली छनौट गरी पुरस्कृत गरेको हो । अन्नबालीतर्फ विनिता चम्लागाई, गङ्गामाया विक, सन्तबहादुर राई र विकास तिम्सिना क्रमशः प्रथम, द्वितीय, तृतीय र सान्त्वना भए ।

यस्तै तरकारी बालीतर्फ नारायण श्रेष्ठ, देवी कार्की, पदमप्रसाद भट्टराई र फडिन्द्र न्यौपाने क्रमशः प्रथम, द्वितीय, तृतीय र सान्त्वना भए ।

नगदेबालीतर्फ ललित कला कृषि फर्म, संयुक्त कृषि फर्म, गणेश तिम्सिना र जयबहादुर तामाङ क्रमशः प्रथम, द्वितीय, तृतीय र सान्त्वना भए ।

औद्योगिक बाली उत्पादनतर्फ चन्द्रबहादुर राई, शिव शक्ति सुपारी उत्पादन केन्द्र, मनरथ न्यौपाने र चुडामणि पोख्रेल क्रमशः प्रथम, द्वितीय ,तृतीय र सान्त्वना भए । फलफूल बालीतर्फ नगेन्द्र घिमिरे, बिर्खबहादुर राई, हरिप्रसाद भण्डारी र सीता पौडेल क्रमशः प्रथम, द्वितीय, तृतीय र सान्त्वना भए ।

यसैगरी दलहन बालीतर्फ जयबहादुर तामाङ, विकास तिम्सिना, गङ्गामाया विक क्रमशः प्रथम, द्वितीय र तृतीय भएका थिए ।

पुरस्कृत सबै किसानलाई नगरपालिकाका प्रमुख शङ्कर राईले परस्कार वितरण गरेका छन् । प्रथमलाई २ हजार, द्वितीयलाई १ हजार ५ सय, तृतीयलाई १ हजार र सान्त्वनालाई ५ सय रुपैयाँसहित प्रमाण पत्र प्रदान गरिएको थियो ।

हाम्राे बारेमा

www.letangkhabar.com अनलाईन समाचार पत्रिका लेटाङ लगायत क्षेत्रका समाचारजन्य विषयलाई समावेस गरी विश्वभरीका जनतालाई सुसुचित गर्ने उदेश्य रहेको छ । समाचार , विज्ञापन लगायत लेटाङ क्षेत्रभित्रका गतिविधिलाई विषेश प्राथमिकता दिनेछौ ।
लेटाङ खबर प्रति तपाईका कुनै सल्लाह सुझाव वा गुनासा भए हामीलाई सम्पर्क गर्न सक्नुहुनेछ ।
सम्पर्क:  ९८४२१४५०४५

हाम्रो टिम

फेसबूक

सम्पर्क स्थान

लेटाङ  नगरपालिका

प्रदेश नं. १ नेपाल , मोरङ