लेटाङमा धानको विउ राखिदै

Letang Khabar शनिबार, जेठ १०, २०७७

लेटाङ,  १० जेठ । धानको विउ राख्ने समय हो यो । यस समय धेरै धान फल्ने , छिटो पाक्ने , स्वादिलो धानको खोजीमा किसानहरु छन् । कतिपय किसानहरुले धानको विउ राखिसकेका छन् भने कतिपय अझै राखिरहेका छन् ।

हाल लेटाङमा उपलब्ध हुन सक्ने, हर्दिनाथ, रन्जित धान उपयुक्त हुने अगुवा कृषकहरु वताउछन् । त्यसो त ठुलो मन्सुली तथा राजासत्र लगायतका धान समेत लेटाङका किसानहरुले लगाउने धानहरु हुन् ।

यता लेटाङ नगरपालिका कृषी विकास शाखाका प्रमुख करण श्रेष्ठ भने नेपाल कृषि अनुसन्धान केन्द्र तथा बीउ बिजन केन्द्र उन्मोचित धान बालिका जातहरु लगाउन सिफारिस गर्नुहुन्छ । कोरोना भाईरसको संक्रमणका कारण देश लकडाउनमा भईरहेका वेला विउको उपलव्धता सहज नभएपनि कृषि भण्डार तथा एग्रोभेटहरुमा नास्टले सिफारिस गरेको धानको विउ उपलब्ध हुने समेत श्रेष्ठले जानकारी दिनुभयो ।

अहिलेको जटिल परिस्थितिमा स्थानिय ठाँउमा उपलव्ध भएका विउहरुलाई नै उपचार गरेर ब्याड राख्दा समेत राम्रो फसल दिन सक्ने श्रेष्ठले जानकारी दिनुभयो । उहाँका अनुसार २० लिटर पानी र ४ केजी वा ४.५ केजी युरिया हालेर विउ भिजाउने । उत्रेका बिउ हटाउने र पिधका विउ सफा पानीले पखालेर गुम्स्याउने वा ब्याडमा छर्नुपर्छ । हिले व्याडका लागि भिजेको बिउ २४ घण्टा जुटको बोरोमा राखेर मात्र छरेमा राम्रो हुन्छ ।

हाम्राे बारेमा

www.letangkhabar.com अनलाईन समाचार पत्रिका लेटाङ लगायत क्षेत्रका समाचारजन्य विषयलाई समावेस गरी विश्वभरीका जनतालाई सुसुचित गर्ने उदेश्य रहेको छ । समाचार , विज्ञापन लगायत लेटाङ क्षेत्रभित्रका गतिविधिलाई विषेश प्राथमिकता दिनेछौ ।
लेटाङ खबर प्रति तपाईका कुनै सल्लाह सुझाव वा गुनासा भए हामीलाई सम्पर्क गर्न सक्नुहुनेछ ।
सम्पर्क:  ९८४२१४५०४५

फेसबूक

सम्पर्क स्थान

लेटाङ  नगरपालिका

प्रदेश नं. १ नेपाल , मोरङ