काठमाडौं, २ जेठ । दाङ जिल्लामा ३ सहित थप ९ जनामा नेपालमा कोरोना भाइरसको संक्रमण देखिएको छ। स्वास्थ्य तथा जनसंख्या मन्त्रालयका अनुसार दाङमा ३ जना, पर्सामा ४ जना, उदयपुरमा एक, काठमाडौंमा एक जनामा समेत गरी पछिल्लो पटक ९ जनामा कोरोना देखिएको हो ।

यो सहित नेपालमा संक्रमितको संख्या २६७ पुगेको छ। पछिल्लो पटक पर्सामा ९ र १० वर्षीय बालकका साथै २३ र ४७ वर्षीया महिलामा संक्रमण देखिएको हो । यसैगरी दाङमा संक्रमित हुनेमा २३, ३६ र ३४ वर्षीय पुरुष छन् ।

काठमाडौंमा ७ वर्षीय बालक पनि संक्रमित भएको मन्त्रालयले जानकारी दिएको छ। उदयपुरका २५ वर्षीय युवामा पनि कोरोना संक्रमण देखिएको छ ।

उनीहरू सबै जना अवस्था सामान्य रहेको मन्त्रालयका सहप्रवक्ता डा समिरकुमार अधिकारीले जानकारी दिए ।