प्याब्सनले गर्याे ठुलाे परिणाममा सहयाेग
लेटाङ, २५ चैत । कोभिड १९ को प्रकोप फैलिएर विश्व नै आतंकित भईरहेको सन्दर्भमा लेटाङ नगरपालिकाले स्थापना गरेको विपद ब्यवस्थापनका लागि प्याब्सन नगर कार्यसमिति लेटाङले १२ सय ५० केजी चामल सहयोग गरेको छ ।
नगरपालिकाले स्थापना गरेको विपद ब्यवस्थापन नगर स्तरि राहत कोषमा सिडिएफ लेटाङले १० हजार तथा जनकल्याण साकोषले ५ हजार रुपैया सहयोग गरेको छ ।
लेटाङमा जम्मा २१सय ४१ परिवारको तथ्याङ संकलन भएको छ । यस अघि २१३५ परिवारलाई राहत बाँडिने तयारी भईरहेकोमा छुटफुट थपिएपछि २१४१ परिवार भएको हो ।
उनिहरुलाई परिवार संख्याको आधारमा ४ जनासम्म परिवार संख्या भएकोलाई प्रति परिवार १२ किलो चामल ,१ किलो दाल, १ किलो नुन र आधा लिटर तेल दिईदैछ । यसैगरी ७ जनासम्मको परिवार संख्या भएको परिवारलाई प्रति परिवार १५ किलो चामल , डेढ किलो दाल , १ किलो नुन र १ लिटर तेल दिईने छ । साथै सो भन्दा माथी परिवार संख्या भएको परिवारलाई भने १८ किलो चामल, २ किलो दाल, १ किलो नुन र डेढ लिटर तेल, २५० देखि ५०० ग्राम सम्म सोयाबिन दिईरहेको छ ।
लकडाउनकाे अवधी लम्बिदै गएमा चाडै अर्काे चरणकाे राहत समेत ब्यवस्थापन गर्नुपर्ने आवश्यकता समेत देखिन्छ ।