लेटाङ २० भदौ । १०५ औ विपि जन्मजयन्तीको अवशरमा नेपाली कांग्रेस लेटाङले कार्यक्रम गरेको छ । आज जनसेवा सामुदायिक बनको सभाहलमा नेपाली कांग्रेस मोरङका सहसचिव तथा सुन्दरहरैचा नगर प्रमुख शिव ढकालको प्रमुख आतिथ्यता र नेपाली कांग्रेस महासमिति सदस्य तथा लेटाङ नगरप्रमुख शंकर राईको विशिष्ठ आतित्थ्यतामा कार्यक्रम गरिएको नेपाली कांग्रेस लेटाङका सचिव कुवेर पौडेलले जानकारी दिनुभयो ।
कार्यक्रममा विपि कोईरालाको नेपाली राजनीतिमा देखाएको भुमिकाको विषयमा चर्चा गरिएको थियो ।
नेपाली कांग्रेस लेटाङका सभापति राजकुमार लामाको सभापतित्वमा भएको कार्यक्रममा लेटाङ नगरपालिका भरीका कांग्रेसमा आस्थावानहरुको उपस्थिति थियो ।
कार्यक्रममा नेकपाका पिएम रहका गंगाराम दर्जि , स्थानिय चुनावमा तत्कालिन एमाले वाट वडा नं. ३ को वडा सदस्यकी उमेद्वार विमला माया दर्जि , राप्रपा पार्टीका नगर सचिव भुवन दर्जि , तत्कालिन माओवादीका लडाकु रामप्रसाद पौडेल लगायतका व्यत्तिहरु नेपाली कांग्रेस पाटीमा प्रवेश गरेका थिए ।