लेटाङ २४ चैत । सामुदायिक वन उपभोक्ता महासंघ जिल्ला कार्यसमिति मोरङले नयाँ नेतृत्व पाएको छ ।

शनिवार मोरङको लेटाङ नगरपालिकामा सम्पन्न भएको फेकेफोन मोरङको अधिबेशन बाट रामकृष्ण राईको अध्यक्षतामा २० सदस्य नयाँ कार्यसमिति चयन भएको छ । संघको उपाध्यक्षमा लेटाङकी शुभद्रा भट्टराई , सचिव वालकुमारी कट्टेल , कोषाध्यक्ष विद्या चापागाँई चयन हुनुभएको छ ।

प्रमुख अतिथि  संविधानसभा सदस्य एवं पुर्व महासंघ मोरङ अध्यक्ष डिगबहादुर लिम्बूले सामुदायीक वन सबैले मिलेर जोगाउने तर समितिका केहि पधाधिकारीको चलाखी पुर्ण तरिकाले वनलाई डुवाउने पद्दति समेत वनमा वढ्न थालेकाले सबैले बेलैमा सचेत हुनुपर्ने बताउनुभएको छ । उहाँले सामुदायीक वनका अभियन्ता वन मास्ने हैन, वन जोगाउने अभियानतर्फ लाग्नु पर्ने सुझाव समेत दिनुभएको छ ।

यसैगरी मोेरङ १ ख का प्रदेश सदस्य उपेन्द्र घिमिरले हिजो संघर्षबाट प्राप्त गरेको सामुदायीक वनको चौतर्फी आमक्रमण भइरहेको भन्दै यसलाई रोक्न तथा वन रक्षा गर्न आफु एक्लै भए पनि लाग्ने प्रतिवद्धता जाहेर गर्नुभएको छ ।

त्यस्तै महासंघ कोषाध्यक्ष पार्वती गौतमले वैज्ञानिक वन नाम मात्रको वैज्ञानिक भएको, काम भने अति अवैज्ञानिक रहेको वताउनुभएको छ। उहाँले यो अवधारणाले दलित तथा पिछडा वर्ग ,महिलाआदिको अधिकार हनन् गरेको बताउनुभएको छ ।

अध्यक्ष अग्नि पौडेलको सभापतित्वमा सम्पन्न अधिवेशनमा संस्थाले आगामी कार्ययोजना समेत पारित गरेर कार्यक्रम सम्पन्न भएको थियो ।