लेटाङ १४ चैत । लेभल २ को तालिम पूरा भएपछि जनसेवा महिला समुहले ब्युटिसियन तथा सिलाईबुनाई लेभल ३ को तालिम सुरु गरेको छ ।
लेटाङ नगरपालिकाका प्रमुख शंकर राईले मंगलवार लेभल २ को तालिम समापन गरेपछि लेभल ३ को तालिमको उुद्घाटन गर्नुभयो ।
नगरप्रमुख शंकर राईले तालिम उद्घाटन गर्दै सहभागिहरुलाई अझै सिप विकास गरेर उद्यमी वन्न सुझाउनुभयो । महिलाहरुको बृद्धिविकासका लासग सिप विकास गर्न जरुरी रहेकाले क्षमता विकास गर्न आग्रह गर्नुभयो । मंगलवार लेटाङ नगरपालिका ४ मा रहेको टेलिकम लाईनमा रहेको तालिम भवनमा सञ्चालित तालिममा लेटाङ ४ का २० जना महिलाहरुको सहभागिता रहेको छ ।
तिनमहिना अघि लेभल २ को तालिम पूरा भएपछि लेभल २ को तालिम सकेकाहरुलार्ई अझ दक्ष वनाउनका लागि यो तालिम गरिएको जनसेवा महिला समुहकी अध्यक्ष चम्पा थापामगरले जानकारी दिनुभयो । कार्यक्रममा लेटाङ नगरपालिका वडा नं। ४ का वडाअध्यक्ष सन्तोष कार्की , नगरकार्यपालिका सदस्यहरु सिता विश्वकर्मा , सुशिला विश्वकर्मा , वडा सदस्यहरु भिष्म श्रेष्ठ, बुद्धिराज फागो , महिला जागरण समुहकी अध्यक्ष शान्तिकला राई बस्नेत लगायतले शुभकामना दिनुभएको थियो ।
सस्ंथाकी सचिव फुलन सूर्यमगरले सञ्चालन गनुभएको कार्यक्रमलाई कार्यक्रमको अध्यक्षता ग्रहण गरिरहनुभएको संस्थाकी अध्यक्ष चम्पा थापामगरले समापन गर्नुभयो ।