विराटनगर, १५ पुस । मिस पुर्वेली सुपर मोडलको फाईनल विराटनगरमा सम्पन्न भएको छ । मिस पूर्वेली सुपर मोडलको ताज रोजीना तामाङले पहिरिएकी छिन । त्यस्तै फस्टरनरअप आचल मल्लीक भईन भने सेकेन्ड रनरअप लेटाङकी मन्दीरा दुमी राई भएकी छिन् ।
विराटनगरमा पुस १४ गते शनिवार सम्पन्न सातौ संस्करणको मिस पुर्वेली सुपर मोडल होटल नमस्कारमा भएको थियो ।
सातौं संस्करणको मिस पूर्वेली सुपर मोडलको फाइनलमो १९ जना फाईनल प्रतिस्पर्धामा थिए । फाइनलमा लेटाङकी मन्दिरा दुमी राई सहित श्रद्धा श्रेष्ठ, प्रियङ्का श्रेष्ठ, दीक्षा राई, सृजना थापा, सञ्जु सापकोटा, स्नेतहा साह, रोजिना तामाङ्ग, निशा शर्मा, सुप्रिया राज्यलक्ष्मी साह, आँचल मल्लिक, अक्क्षता रौनियार, निकिता अधिकारी, शशिकला साह, आस्था भट्टराई, भीमा कुमारी श्रेष्ठ, जेनिसा खड्का, सिर्जा पोखरेल, सन्देशा कटुवाल फाइनलमा थिए ।

प्रतियोगीलाई प्रशिक्षणमा क्याटवाकदेखी सामाजिक कार्य र उनीहरूको व्यक्तित्व विकासको बारेमा प्रशिक्षण गरिएको थियो ।
बिजेता, फस्ट रनरअप र सकेण्ड रनरअपले ताज सहित क्रमशः २ लाख ५० हजार, १ लाख तथा ५० हजार रुपैयाँ नगद , ईण्डोनेसियाको बाली टुर र एयर होस्टेजको निशुल्क तालिम पाएका छन् ।