शृंखलाले जितिन् दुइटा अवार्ड

Letang Khabar मंगलबार, मंसिर १८, २०७५

मंसिर १८, २०७५

काठमाडौँ — मिस नेपाल वल्र्ड शृंखला खतिवडाले ‘मिस वर्ल्ड , २०१८’ मा दुइटा अवार्ड जितेकी छन् । चीनको सान्यामा भइरहेको प्रतियोगितामा सोमबार ‘ब्युटी विद पर्पस’ र ‘मल्टी मिडिया’ क्याटेगोरीमा उनले १ सय १७ सुन्दरीलाई पछि पारेकी हुन् ।

शृंखला खतिवडा सान्यामा आइतबार भएको च्यारिटी डिनरमा चिनियाँ बालिकासँग । तस्बिर स् शृंखलाको इन्स्टाग्राम पोस्ट

‘ब्युटी विद पर्पस’ का लागि हरेक प्रतिस्पर्धीले कुनै प्रभावकारी परियोजनामा काम गर्नुपर्ने हुन्छ । शृंखलाले गृहजिल्ला मकवानपुरमा रहेको चेपाङ बस्तीमा एउटा स्वास्थ्यचौकी र अन्य भौतिक पूर्वाधार निर्माणमा सहयोग गरेकी थिइन् ।

उनको यही परियोजनाले उनलाई उक्त अवार्ड जिताएको हो । यसअघि सन् २०१३ मा नेपालकै ईशानी श्रेष्ठको ‘प्रोजेक्ट स्माइल’ ले ‘ब्युटी विद पर्पस’ जितेको थियो ।

मोब्स्टार नामक मोबाइल एप्लिकेसनमार्फत दिनहुँ लाखौँ भोट पाएका कारण ‘मल्टी मिडिया’ को अवार्ड पनि उनकै पोल्टामा परेको हो । उनलाई भोट गर्न अत्यधिक डाउनलोड गरिएको हँुदा यो एप्लिकेसन गत साता नेपालमा पहिलो नम्बरमा ट्रेन्डिङमा थियो ।

शृंखलाले अवार्ड जितेपछि सोमबार साँझ आफ्नो इन्स्टाग्राम स्टोरीमा आफू भावविह्वल भएको भिडियो पोस्ट गरेकी थिइन् । ‘रुँदारुँदा आँखा सुन्निन लागिसक्यो’ भन्दै उनले खुसी साटेकी थिइन् । ‘मल्टी मिडिया’ को अवार्ड हात पारेको सूचना पनि उनले यसै गरी दिएकी हुन् । यी अवार्ड जितेसँगै २३ वर्षे नेपाली सुन्दरी मिस वल्र्डको उत्कृष्ट ३० मा पर्न सफल भएकी छन् ।

हाम्राे बारेमा

www.letangkhabar.com अनलाईन समाचार पत्रिका लेटाङ लगायत क्षेत्रका समाचारजन्य विषयलाई समावेस गरी विश्वभरीका जनतालाई सुसुचित गर्ने उदेश्य रहेको छ । समाचार , विज्ञापन लगायत लेटाङ क्षेत्रभित्रका गतिविधिलाई विषेश प्राथमिकता दिनेछौ ।
लेटाङ खबर प्रति तपाईका कुनै सल्लाह सुझाव वा गुनासा भए हामीलाई सम्पर्क गर्न सक्नुहुनेछ ।
सम्पर्क:  ९८४२१४५०४५

हाम्रो टिम

फेसबूक

सम्पर्क स्थान

लेटाङ  नगरपालिका

प्रदेश नं. १ नेपाल , मोरङ