सार्वजनिक माविमा वधाई तथा छात्रवृत्ति वितरण कार्यक्रम सम्पन्न

Letang Khabar बिहिबार, आश्विन ११, २०७५

उर्लाबारी । उर्लाबारी—९ आम्बारी स्थित सार्वजनिक माविले विहीवार छात्रबृत्ति वितरण तथा बधाई कार्यक्रम सम्पन्न गरेको छ । विद्यालयका भएको छात्रबृत्ति कार्यक्रममा कक्षा १ देखी कक्षा ८ सम्मका ६९ जना छात्रालाई नगद ४०० रुपैयाका दरले छात्रबृत्ति वितरण गरिएको छ । यस्तै दलित छात्रबृत्ति १ कक्षा देखी ८ कक्षा सम्मका ११ जना विद्यार्थीलाई वितरण गरिएको छ । जसको नगद पनि ४ सय रुपैंया नै रहेको छ । कक्षा ८ र ९ मा अध्ययनरत २ जनालाई ५ सय रुपैंयाका दरले वितरण गरिएको छ । सिमान्तकृतबाट १ जनाले ५०० रुपैया पाएका छन् । कक्षा ९ र १० मा अध्ययन गर्ने ५ जना गरिव तथा जेहेन्दार विद्यार्थीलाई नगद १७ सयका दरले छात्रबृत्ति गरिएको विद्यालयका प्रधानाध्यापक टंक दुलालले बताउनुभयो । उहाँका अनुसार विद्यार्थीहरुलाई नेपाल सरकारबाट नियमित प्राप्त हुने छात्रबृत्ति वापतको रकम वितरण गरिएको हो । जसबाट पठन पाठनमा आवश्यक समाग्रीमा उनीहरुलाई सहज हुनेछ । विद्यार्थीहरुलाई कार्यक्रमका प्रमुख अतिथी वडा नम्बर ९ का वडा अध्यक्ष बम फ्याक र विशिष्ट अतिथी वडा नम्बर ८ का वडा अध्यक्ष कुलबहादुर कार्की लगायतले संयुक्त रुपमा छात्रबृत्ति वितरण गर्नुभयो । सोहि अवसरमा विद्यालयका अध्यक्ष कुरुराज आङबुहाङ नगर शिक्षा समितिको सदस्यमा चयन हुनुभएकोमा बधाई ज्ञापन गरिएको छ । उहाँलाई विद्यालय परिवार र अतिथीहरुले फुलमाला र अविर लगाएर बधाई दिनुभएको थियो । यस्तै पत्रकार तेजन खड्कालाई पनि विद्यालय परिवारले समस्याहरु उठान गरिदिएर विद्यालयको स्तरोउन्नतीमा सहयोग गरेको भन्दै सम्मान गरेको थियो । सोहि अवसरमा अन्तर सदनात्मक नृत्य प्रतियोगिता सम्पन्न भएको थियो । विद्यालयका अध्यक्ष आङबुहाङको सभापतित्वमा भएको कार्यक्रममा उर्लाबारी स्रोत केन्द्रका स्रोत व्यक्ति गंगाबहादुर भट्टराई,पूर्व अध्यक्ष ओमप्रकाश उप्रेती,मुक्तिनाथ आपागाई,चुडामणि आपागाई,बिष्णु प्रसाद आपागाई, सल्लाहकार अमर सेलिङ लगायतको आथित्यता रहेको थियो ।

हाम्राे बारेमा

www.letangkhabar.com अनलाईन समाचार पत्रिका लेटाङ लगायत क्षेत्रका समाचारजन्य विषयलाई समावेस गरी विश्वभरीका जनतालाई सुसुचित गर्ने उदेश्य रहेको छ । समाचार , विज्ञापन लगायत लेटाङ क्षेत्रभित्रका गतिविधिलाई विषेश प्राथमिकता दिनेछौ ।
लेटाङ खबर प्रति तपाईका कुनै सल्लाह सुझाव वा गुनासा भए हामीलाई सम्पर्क गर्न सक्नुहुनेछ ।
सम्पर्क:  ९८४२१४५०४५

हाम्रो टिम

फेसबूक

सम्पर्क स्थान

लेटाङ  नगरपालिका

प्रदेश नं. १ नेपाल , मोरङ