लेटाङ २ अशोज । लेटाङ नगरपालिका ४ स्थित रहेको शिक्षा क्षेत्रमा लेटाङको एतिहासिक पृष्ठभुमि वोकेको शान्तिभगवती माविमा कम्प्युटर कक्षाका लागि १४ वटा कम्प्युटर थप गरिएको छ । सो विद्यालयमा गत वर्ष देखि अंग्रेजी माध्यमवाट पठनपाठन सूरु भए संगै शिक्षामा प्रविधी भित्रयाउने उदेश्यले कम्युटर कक्षा समेत सञ्चालन गरिएको सोही विद्यालयका अध्यक्ष देवराज चाम्लिङले जानकारी दिनुभयो । जिल्ला शिक्षा समन्वय कार्यलय ६ लाख ५० हजार र विद्यालयको १ लाख श्रपैयाको लागतमा उक्त कम्युटरहरु जडान गरि कम्युटर कक्षा सूरु गरिएको अध्यक्ष चाम्लिङले वताउनुभयो । ५ कक्षा देखि १० कक्षा सम्मको विद्यार्थीहरुलाई त्यति कम्युटरले मात्र अपुग हुने भएकाले अझै थपिदै जाने वताउनुभयो ।