यी नायिकाले सबैका अगाडि किन उतारिन् कपडा

Letang Khabar बुधबार, चैत्र २८, २०७४

मुम्बई । ‘आफ्नो लडाइँमा म बेसहारा छु । किनकी मेरो पीडा कसैले देखेन त्यहि कारण मैले यति ठूलो कदम उठाउनु पर्‍यो । मैले सार्वजनिक स्थानमा कपडा उतारेँ ।’ यो भनाइ हो तेलुगु नायिका श्रीरेड्डी मल्लिडीको । तेलुगु फिल्म उद्योगमा यौन उत्पीडनको बिरुद्ध आवाज उठाउँदै गएको हप्ता हैदराबादको फिल्म नगरमा मुभी आर्टिस्ट एसोसिएशनका अगाडि श्रीरेड्डीले आफ्नो कपडा उतारेकी थिइन् ।

श्रीरेड्डीका अनुसार आफ्नो कुरा सुनाउनका लागि एवं आफ्नो मागका विषयमा सरकारको जवाफ लिन यहि एउटा बाटो बाँकी थियो । ‘फिल्म दुनियाका ब्यक्ति मेरो नाङ्गो तस्विर एवं भिडियो पठाउन आग्रह गर्छन् भने सार्वजनिक स्थानमै कपडा किन नउतारुँ,’ उनले भनिन् ।

श्रीरेड्डीले आफ्ना करिअर एक स्थानीय टिभी च्यानलमा एक प्रोजेक्टरको रुपमा सुरु गरेकी थिइन् । पाँच वर्षपछि उनले फिल्ममा काम गर्न थालिन् । उनले केही तेलुगु फिल्ममा सानोतिनो भूमिका निर्वाह गरेकी छन् ।

अहिलेसम्म उनले आफू यौन उत्पीडनमा परेको कुनै सबुत पेश गरेकी छैनन् । प्रहरीमा कुनै उजुरी पनि गरेकी छैनन् । अहिले यो पनि चर्चा सुरु भएको छ । आम सर्वसाधारणको ध्यान खिचेर लोकप्रिय हुन यसो गरेकी त होइनन् रु मिडियाले सस्तो लोकप्रियताको लागि उक्साएको पो हो कि रु यस विषयमा पनि चर्चा परिचर्चा सुरु भएको छ । तर उनी यो कुरा स्विकार्दिनन् ।

तेलुगु फिल्म उद्योग अर्थात टलिउड हिन्दी र तमिल फिल्म उद्योगपछि ठूलो फिल्म उद्योग हो । केन्द्रीय फिल्म प्रमाण बोर्डको वार्षिक सूचीअनुसार २०१५र०१६ मा २६९ फिल्म बनेको थियो ।

‘कास्टिङ काउच’ सबैभन्दा ठूलो मुद्दा बन्ने गरेको छ । यस्तो समाचार छापिन्छ तर, फिल्म उद्योगमा यस्ता विषयमा बोल्न कोही तयार हुँदैनन् ।

श्रीरेड्डीको तरिका सही कि गलत रु

श्रीरेड्डीलाई मुभी आर्टिस्ट एसोसिएसनले प्रतिबन्ध लगाएको छ । संगठनका अध्यक्ष शिवाजी राजाले बीबीसीलाई दिएको जानकारीअनुसार उनले गलत ब्यवहार प्रस्तुत गरेकाले प्रतिबन्ध लगाइएको हो । उनी प्रश्न गर्छन्, ‘उनले प्रहरीमा किन उजुरी गरिनन् । यो केवल प्रचारका लागि हो ।’

तेलुगु फिल्म निर्माता दग्गुबत्ती सुरेश बाबुले श्रीरेड्डीको शैलीले आम भारतीय महिलाको अपमान गरेको आरोप लगाए । श्रीरेड्डीले भने सरकारले फिल्म उद्योग नै बन्द गर्नुपर्ने माग गरेकी छिन् । उनले आरोप लगाउँदै भनेकी छिन् ‘यहाँ अवैध गतिविधि हुन्छ, साथै कतिपय बलात्कृत भएका छन् ।’

हाम्राे बारेमा

www.letangkhabar.com अनलाईन समाचार पत्रिका लेटाङ लगायत क्षेत्रका समाचारजन्य विषयलाई समावेस गरी विश्वभरीका जनतालाई सुसुचित गर्ने उदेश्य रहेको छ । समाचार , विज्ञापन लगायत लेटाङ क्षेत्रभित्रका गतिविधिलाई विषेश प्राथमिकता दिनेछौ ।
लेटाङ खबर प्रति तपाईका कुनै सल्लाह सुझाव वा गुनासा भए हामीलाई सम्पर्क गर्न सक्नुहुनेछ ।
सम्पर्क:  ९८४२१४५०४५

हाम्रो टिम

फेसबूक

सम्पर्क स्थान

लेटाङ  नगरपालिका

प्रदेश नं. १ नेपाल , मोरङ