वैज्ञानिक भन्छन्- मलाशयको क्यान्सर निको पार्ने औषधि पत्ता लाग्यो

साशा रोथ । उनी औषधिको प्रयोगबाट मलाशयको क्यान्सर निको भएको पहिलो बिरामी हुन् ।

Biratnagar बिहिबार, जेठ २६, २०७९

काठमाडौं  २६ जेठ। किमो र रेडिएसन विना मलाशयको क्यान्सर निको पार्ने औषधि पत्ता लगाएको वैज्ञानिकहरुले बताएका छन् ।

न्यू इंग्ल्याण्ड जर्नल अफ मेडिसिनका अनुसार हालसालै मलाशयको क्यान्सरबाट पीडित केही बिरामीलाई डस्टरलिमाब (Dostarlimab) नामक औषधिको क्लिनिकल परीक्षण गरिएको थियो । यो उपचारबाट केवल ६ महिनामा क्यान्सर पूर्णरूपमा निको भएको पाइएको रिपोर्टमा उल्लेख छ ।

यो उपचार अहिले परीक्षणको अवधिमै रहेकाले आम नागरिकका लागि कहिलेदेखि बजारमा उपलब्ध हुन्छ भन्ने प्रस्ट छैन । यो औषधि अनलाइन बजारमा भने उपलब्ध छ । यो औषधिको एक मात्राको मूल्य ११ हजार डलर पर्छ ।

भविष्यमा यसको उत्पादन बढेपछि मूल्यमा गिरावट हुने अपेक्षा गरिएको छ । अहिलेका लागि यो औषधि केवल मलाशयमा हुने क्यान्सरका लागि मात्र प्रयोग गरिएको छ ।

 

अनुसन्धानका लेखक डा। लुइस ए डियाजका अनुसार क्यान्सरको इतिहासमा पहिलोपटक कुनै औषधिबाट बिरामी निको भएका छन् । अहिलेसम्म क्यान्सर पूर्णरूपमा निको हुने कुनै औषधि बनेको थिएन ।

क्यालिफोर्निया युनिभर्सिटीका डा। एलन पी विनुकले क्यान्सरसम्बन्धी अनुसन्धानमा हरेक बिरामी ठीक हुनु आफैंमा नयाँ कुरा हो ।

न्यूयोर्क टाइम्समा प्रकाशित समाचार अनुसार यो अनुसन्धानमा रहेका सबै बिरामीले यसअघि नै किमोथेरापी, रेडिएसन र शल्यक्रिया गराइसकेका थिए । यसको असरको रूपमा उनीहरूले पिसाब र यौनसँग जोडिएका समस्या पनि भोगिरहेका थिए । तर कुनै पनि बिरामीलाई डस्टरमिलाब औषधिको साइड इफेक्ट देखिएन ।

डस्टरमिलाब प्रयोगशालामा बनाइने यस्तो औषधि हो जसले एन्टीबडीको विकल्पको रूपमा काम गर्छ । क्यान्सरसँग जुधिरहेका बिरामीको प्रतिरोध क्षमता कमजोर बन्छ । यस्तो अवस्थामा बिरामीलाई रोगसँग लड्न बाहिरी औषधिको सहयोग आवश्यक हुन्छ ।

यो औषधिलाई प्रयोगमा ल्याउन अमेरिका र यूरोपमा २०२१ मा अनुमति मिलेको थियो । यसलाई टेसारो कम्पनीले २०२० मा बनाउन सुरु गरेको थियो ।

हाम्राे बारेमा

www.letangkhabar.com अनलाईन समाचार पत्रिका लेटाङ लगायत क्षेत्रका समाचारजन्य विषयलाई समावेस गरी विश्वभरीका जनतालाई सुसुचित गर्ने उदेश्य रहेको छ । समाचार , विज्ञापन लगायत लेटाङ क्षेत्रभित्रका गतिविधिलाई विषेश प्राथमिकता दिनेछौ ।
लेटाङ खबर प्रति तपाईका कुनै सल्लाह सुझाव वा गुनासा भए हामीलाई सम्पर्क गर्न सक्नुहुनेछ ।
सम्पर्क:  ९८४२१४५०४५

हाम्रो टिम

फेसबूक

मिडिया  प्रा.लि. द्वारा संचालित www.letangkhabar.com अनलाईन पत्रिकाले देश बिदेशका ताजा सामाचार सम्प्रेषण गर्दछ ।
सूचना तथा प्रसारण विभाग – १६७९/०७६/०७७
प्रेस काउन्सिल दर्ता न:– ४३९/०७६/०७७
कम्पनी दर्ता न:– २२९२७९/०७६/०७७
स्थायी लेखा नम्वर – ६०९६७०४८०

सम्पर्क स्थान

लेटाङ  नगरपालिका

प्रदेश नं. १ नेपाल , मोरङ