०३ आश्विन २०८१, बिहिबार
Letang Khabar आइतबार, भाद्र २४, २०७५
ईलाम, भाद्र २४ गते । ईलाम जिल्लाको देउमाई नगरपालिका ९ पारीगाउँबाट प्रहरीले शनिवार १३ बर्षीया बालिकालाई जबरजस्ती करणी गरेको आरोपमा ८ जनालाई पक्राउ गरेको छ ।
पक्राउ पर्नेमा जिल्ला इलाम देउमाई नगरपालिका ९ पारीगाँउकी बर्ष ५४ को ढुण्डीराज गिरी, बर्ष १९ को हप्पे भन्ने राजेश लिम्बु, वर्ष १९ को शान्ताहाङ पत्र लिम्बु, वर्ष १९ को कान्छा भन्ने कुसाङ पत्रे लिम्बु, वर्ष ३५ को वीर बहादुर खजुम लिम्बु, वर्ष ५० को जेमिरे कान्छा भन्ने राम बहादुर लिम्बु, वर्ष ६० को भिमचन्द्र लिङदेन लिम्बु र बर्ष १९ को मिलन साँवा लिम्बु रहेका छन् ।
उल्लेखित ब्यक्तिहरुले मिति २०७५ साल बैशाख महिना देखी आफ्नो नावालिक नातिनीलाई पटक(पटक जबरजस्ती करणी गरी फरार रहेका भन्ने बालिकाको हजुरबुबाको जाहेरीको आधारमा इलाका प्रहरी कार्यालय मंगलवारेबाट खटिएको प्रहरी टोलीले ८ जनालाई नै पक्राउ गरेको हो ।
पक्राउ परेका ब्यक्तिहरुलाई थप अनुसन्धानका लागि जिल्ला प्रहरी कार्यालय ईलाम पठाईएको प्रहरीले जनाएको छ ।
