लेटाङ, २५ साउन । लेटाङ नगरपालिका, मोरङमा भाेली शनिबार एकदिने खुला एकल नृत्य प्रतियोगिता आयोजना हुने भएको छ। यस प्रतियोगिताको आयोजक बथान रहेको छ भने सहआयोजकको रूपमा लेटाङ नगर समितिले साथ दिएको छ। प्रतियोगिता आर.ए. डान्स स्टुडियो, लेटाङले संयोजन गरेको हो।
लेटाङ खबर यस कार्यक्रमको मिडिया पार्टनर रहेको छ, र प्रतियोगिता लेटाङको भिन्टेज, मोरङमा सम्पन्न हुनेछ। यस नृत्य प्रतियोगितामा विभिन्न शैलीका नृत्य प्रस्तुत गर्ने प्रतियोगीहरूबीच प्रतिस्पर्धा हुनेछ।
कार्यक्रमले स्थानीय प्रतिभाहरूलाई आफ्नो नृत्यकला प्रदर्शन गर्ने अवसर प्रदान गर्ने लक्ष्य लिएको छ। आयोजकहरूले उत्साहजनक प्रतिस्पर्धा र ठूलो सहभागिता अपेक्षा गरेका छन्।
ईनेपालपत्र शुक्रबार, साउन २५, २०८१
