प्रशान्त निरौला
लेटाङ १९ वैशाख २०७६ । लेटाङ नगरपालिका अन्तर्गत वजारमा रहेको मेनरोड कालोपत्रे सम्पन्न हुन लागेको छ ।
नगरपालिकाको वडा नं. ३ र ४ मा अवस्थित वजार विचमा रहेको सडकको ५२ फुट चौडाई र १ किलो मिटर लम्बाई रहेको उक्त सडकको आज लेटाङ नगरपालिकाका प्रमुख शंकर राई सहितको अनुगमन टोली अनुगमन गर्दै सडक निर्माण कार्य अन्तिम चरणमा पूगेको नगरप्रमुख शंकर राईले जानकारी दिनुभयो । केएन निर्माण सेवाले निर्माण गरिरहेको उक्त सडक यो हप्ता भित्रमा निर्माण भईसक्ने उक्त सडक निर्माण उपभोक्ता समितिका अध्यक्ष मित्र विमलीले जानकारी दिनुभयो ।
उपभोक्ताहरुको साझेदारीमा निर्माण हुदै गरेको उक्त सडक १ करोड १५ लाख सडक बोर्डवाट विनियोजन भएको थियो भने स्थानिय उपभोक्ताहरुले ३५ लाख संकलन गरेका थिए ।
अनुगमनका क्रममा नगरप्रमुख शंकर राईले लेटाङ बजारमा सवारी साधन आवतजावत गर्न समस्या भईरहेको वेला ड्रेन टु ड्रेन पक्की सडक वनिसकेपछि बजारका जनता तथा उक्त सडक प्रयोग गर्ने मानिसले सहजता महसुस गर्नेे वताउनुभयो । अनुगमनका क्रममा निर्माण कम्पनीका प्रतिनीधिलाई सडक निर्माणमा कुनै कमजोरी नगर्न निर्देशन दिनुभयो ।
अनुगमन टोलीमा नगरउपप्रमुख कृष्णकुमारी निरौला , लेखा अधिकृत शुशिल बास्तोला ,योजना शाखा प्रमुख भानुभक्त राई, सवईन्जिनियर अशेष श्रेष्ठ लगायत हुनुहुन्थ्यो ।