०३ आश्विन २०८१, बिहिबार
लेटाङ खबर समाचारदाता शनिबार, पौष ०९, २०७९
काठमान्डौ , ९ पुस । द भ्वाइस अफ नेपाल सिजन ४ को विजेता करण राई भएका छन् । उनले सबैभन्दा बढी भोट ल्याएर सिजन ४ को च्याम्पियन बनेका हुन् । उनी कोच राजु लामाको टिममा थिए । च्याम्पियन बनेका करण राई नेपालमै जन्मिएका भए पनि अहिले अमेरिकामा बस्दै आएका छन् ।
झापाकी सविना योङहाङलाई पछि पार्दै करण राई च्याम्पियन बनेका हुन् । आज राति अबेर सम्पन्न ग्राण्ड फिनालेमा सविनालाई पछि पार्दै करणलाई विजेताको रुपमा घोषण गरिएको हो ।
उनले झापाकै योगेश मगर र सविनालाई पछि पार्दै सिजन ४ को उपाधि हासिल गरे । सविना राई इज किङ राजेश पायल राईको टिममा थिए ।
तेस्रो स्थानमा योगेश मगर भए । उनी कोच प्रमोद खरेलका टिममा थिए । विजेता करण राईले नगद २५ लाखसहित अढाइ तोला सुनको सिक्री पनि पाएका छन् । यस्तै, काेच प्रविशाकाे टिममा रहेका साहिल लिम्बू सिजन ४ काे चाैथाे स्थानमा रहे ।
